گهیځ
کابل-گهیځ نیوز( د قوس/ليندۍ ۲۲):
د چین دولتي خبري اژانس سینهوا کابل کې له پروني برید وروسته په افغانستان کې د چین د سفارت د یوه چارواکي په حواله راپور ورکړی، چې دوی وضعیت له نږدې څاري او حالاتو ته په کتو به لازم اقدامات وکړي.
په کابل کې تېره ورځ پر یو هوټل تر برید څو ساعته وروسته د اسلامي امارت ویاند ذبیح الله مجاهد وویل چې یاد برید د دریو بریدګرو په وژل کېدو سره پای ته ورسېد، چې په خبره یې هېڅ کوم بهرني اتباع ته په برید کې زیان نه دی رسېدلی.
د مجاهد په خبره یوازې دوه بهرني مېلمانه چې ځانونه یې له پورته منزله غورځولي و، ژوبل شوي دي.
دغه بريد په داسې حال کې وشو چې په کابل کې د چين سفير د بهرنيو چارو وزارت له سیاسي مرستیال سره په کتنه کې له سرپرست حکومت څخه غوښتي و چې د دغه هېواد سفارت امنيت ته پاملرنه ډېره کړي.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/