گهیځ
کابل-ګهیځ نیوز(د مرغومي / جدی ۱۵ مه نېټه)
د ګهیځ نیوز د خبر له مخې د خېبر پښتونخوا د کرم ولسوالۍ په لوړه سیمه کې د ډپټي کمېشنر جاوېد الله محسود پر موټر د وسلوالو لخوا ډزې شوي، چې له امله یې نوموړی ټپي شوی او کرمې ته تلونکی لومړی کاروان ځنډول شوی دی.
د خېبر پښتونخوا د اطلاعاتو مشاور، بیرسټر محمد علي سیف ویلي، دغه پېښه د بګن په سیمه کې رامنځته شوې ده.
د سرچینو په وینا ټپي ډپټي کمېشنر د هلیکوپټر له لارې روغتون ته انتقال شوی او حالت یې له خطر څخه بهر ښودل شوی.
بلخوا د خېبر پښتونخوا والي دغه برید په کلکو ټکو غندلی او ویلي یې دي، چې دا پېښه د حکومت د ناکامۍ او کمزورتیا ښکاره ثبوت دی.
څو ورځې وړاندې د کرم د شخړې د حل په موخه په کوهاټ کې د یوې سترې جرګې په ترڅ کې د سولې تړون شوی و، چې د پرېکړې له مخې ټول ناقانونه وسلې به حکومت ته سپارل کیږي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/