گهیځ
ګهیځ نیوز: نن یکشنبه (د غوايي یا ثور ۴مه او د اپرېل ۲۴مه نېټه ده) د ماشومانو د ملاتړ لپاره د ملګرو ملتونو مرستندویه صندوق یا یونیسف وايي، په افغانستان کې د «هر ماشوم لپاره» د تعلیم د ملاتړ هره ممکنه هڅه کوي.
په افغانستان کې د دې ادارې د ارتباطاتو مشرې سم مورټ (Sam Mort) رسنیو ته ویلي، چې د تېر په څېر به د افغان ماشومانو تر څنګ پاتې شي.
هغه ویلي: “یونیسف د تېرو ۷۰ کلونو په څېر، د هر ماشوم لپاره په افغانستان کې دی. تر هغو چې هر ماشوم په ښوونځي کې نه وي او تعلیم ونه کړي، موږ به خپلې چارې ونه دروو”.
یونیسف وايي دوی د ۲ میاشتو لپاره نږدې ۲ لکه ښوونکو ته بېړنی معاش برابر کړی او تر څنګ یې زده کوونکو ته بیکونه او نور زده کړه ایز مواد ورکړي دي.
