گهیځ
کابل-ګهیځ نیوز( د جدی/ مرغومي ۱۲ مه نېټه):
د راپورونو له مخې د کور او ښار جوړولو وزارت ویلي، چې د غلام صدیق وحیدیار په نوم یو پانګوال د وزارت په اډانه کې د پانګونې او پراختیا په اړه له مسوولینو سره خبرې کړې دي.
د راپور پر بنسټ نوموړي غوښتنه کړې، چې د کابل نوي ښار کې د یو ستر روغتیايي کمپلیکس لپاره ورته ۴۵جریبه ځمکه په واک کې ورکړل شي.
د ده په وینا په دې جوړېدونکي روغتیايي کمپلېکس کې به خدماتي، روزنیزه او هستوګنیزې ساحې شاملې وي، چې ګڼ شمېر خلکو ته به د کار او خدمت کولو زمینه هم برابره شي.
د کور او ښار جوړولو وزارت زیاته کړې، چې په دې لیدنه کې مسوولینو له یاد پانګواله مننه کړې او ورته د هر راز همکارۍ ډاډ یې ورکړی.
د وزیر په خبره، چې د یو پروپوزل چمتو کېدو او عامې روغتیا وزارت سره تر شریکېدو او رضایت وروسته به یې د عملي چارو پیلولو په موخه اقدامات هم ترسره شي.
په دې وروستیو کې د کابل په نوي ښار کې د پانګونې لېوالتیا زیاته شوې او یو شمېر پانګوالو د دې ښار کې په بېلابېلو برخو باندې د پانګونې خبر ورکړی.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/