گهیځ
پاکستان افغانانو ته پر تذکره افغانستان ته د را پرېښودو هوکړه کړې
ګهیځ نیوز: نن دوشنبه (د چنګاښ ۱۳مه او د جولای میاشتې ۴مه نېټه ده) په تورخم کې افغان چارواکو ویلي چې پاکستان هوکړه، چې کړې تر اختر پورې به افغانان په تذکرو باندې افغانستان ته پرېږدي.
باختر دولتي خبري اژانس د تورخم د کمیسار سیدغازي الله هاشمي په حواله راپور ورکړی چې پاکستاني چارواکو سره په اړیکه کې دي څو په صفري نقطه کې ستونزې په بشپړه توګه هوارې کړي.
پاکستان وروسته له هغه په تذکرو افغانستان ته د خلکو د پرېښودو سره هوکړه کړې چې د راپورونو له مخې تېره شنبه یوه کس وروسته له هغه ځان تر ټېلر موټر لاندې کړ او ساه یې ورکړه چې پاکستاني پولیسو افغانستان ته نه پرېښود.
