گهیځ
کابل-ګهیځ نیوز( د ثور/غویي ۱۷ نېټه):
د ګهیځ نیوز د خبر له مخې لغمان کې د الینګار ولسوالۍ د عمومي سړک د پاک کارۍ او شولډر سازۍ چارې نن پیل شوې.
لغمان ولایت کې د ټولګټو چارو ریاست لخوا د WFP په مالي لګښت، د “پیسې د کار په مقابل کې” پروګرام له لوري د الینګار ولسوالۍ د عمومي سړک د پاک کارۍ او شولډر سازۍ چارې نن عملاً پیل شوې.
د ټولګټو چارو ریاست ویلي، چې یاد سړک ۴۵ کیلو مټره اوږدوالی لري، چې ۳۰ تنو ته په کې د کار زمینه برابره شوې او د دریو میاشتو په موده کې به یې کارونه بشپړ شي.
د یادونې وړ ده چې په دغه پاک کارۍ کې د سړک د واشونو، پلچکونو، ویالو پاک کاري، د استنادي دېوالونو بیا ترمیم او د سړک داغګیري شامله ده.
لغمان یو له هغو ولایاتو ده چې د تېر حکومت پر مهال په کې پرمختیایي چارې په ډېر پڅ ډول ترسره شوي دي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/