گهیځ
کابل-ګهیځ نیوز( د سرطان/ چنګاښ لومړی نېټه):
د راپورونو له مخې د افغانستان په شمال کې د کار نړيوال سازمان استازي محمد افندي ويلي، د بلخ ولایت د شور تېپې سړک د جوړولو چارې به ډېر ژر د دې سازمان له لوري پیل شي.
نوموړي د بلخ له والي سره په کتنه کې ویلي، د دغه سړک د سروې کار بشپړ شوى او ډېر ژر به يې د جوړولو کار پيل شي.
افندي دغه راز ویلي، چې د کار نړيوال سازمان موخه د هېواد په شمال کې د سړکونو جوړول، ځوانانو ته د زده کړو زمينه برابرول او د غاليو اوبدلو، خياطۍ او د ښځو د صنعتي کارونو وده ده.
د دې ولایت والي له افندي سره په لیدنه کې له نوموړي غوښتي، چې د یاد ولایت په لرې پرتو سیمو کې دې بنسټیزې پروژې پلې کړي او خلکو ته دې له همدې لارې د کار زمینه برابره کړي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/