گهیځ
کابل-ګهیځ نیوز( د سرطان/ چنګاښ ۲۰ مه نېټه):
د راپورونو له مخې د افغانستان د خوړو او درملو ملي ادارې، د درملو او روغتیايي محصولاتو مرستیال د چین د درملو له تولیدي شرکت له اجرایوي رییس مسترشي او مل پلاوي سره کتلي دي.
یادې ادارې په یوه خبرپاڼه کې ویلې، چې په دې کتنه کې یاد شرکت په افغانستان کې د درملو د تولید په برخه کې د ۱۰ میلیونه ډالرو په ارزښت د پانګونې لېوالتیا ښودلې او زیاته کړې یې ده، چې دولت دې په دې برخه له دوی سره د امنیت او ځمکې په برخه کې همکاري وکړي.
په ورته وخت کې افغان لوري یاد پلاوي ته د خوړو او درملو ملي ادارې له اړخه د هر اړخیزې همکارۍ ډاډ ورکړی.
افغان لوري د یاد شرکت له اجرایوي رییس څخه غوښتي، چې خپله پانګونه زیاته کړي او هغه درمل په افغانستان کې تولید کړي، چې د افغانستان د درملو داخلي فابریکې یې د تولید ظرفیت نه لري.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/