گهیځ
کابل-ګهیځ نیوز( د اسد/ زمري ۲مه نېټه):
د راپورونو له مخې هرات کې یوې موسسې له لوري د بزګرانو د زیاتو عایداتو، تولیداتو او صادراتي شرکتونو ته د ښې بازار موندنې او د تصدیق شويو زعفرانو د کېفیت د لوړولو په موخه یې د ۱.۲ میلیونه امریکایي ډالرو په لګښت د زعفرانو د ودې پروژه پیل کړې ده.
د یادې موسسې مسوول ویلي، چې د دغې پروژې په چوکاټ کې له افغانستان څخه بهر د باکېفيته زعفرانو د صادرولو په برخه کې د توليدي شرکتونو لپاره د بازار موندنې چارې پيلیږي.
نوموړي زیاته کړې چې د زعفرانو د ودې او تولید پروژه د ۱.۲ میلیونه امریکایي ډالرو په لګښت د ډنمارک له خوا تمویلیږي، چې د پنځو کلونو لپاره به پلې شي.
په ورته وخت کې د هرات ولایت د کرنې، اوبو لګولو او مالدارۍ ریاست مسوولین وايي، چې دوی په بازار کې له ټولو بزګرانو په ځانګړې توګه د زعفرانو له کروندګرو څخه ملاتړ کوي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/