گهیځ
کابل-ګهیځ نیوز( د اسد/ زمري ۱۱ مه نېټه):
د راپورونو له مخې، د کابل ښاروال په کابل کې د ترکیې سفارت د سوداګرۍ برخې له سلاکار ایمري انال سره په دغه ښار کې د پانګونې د پروژو په اړه خبرې کړي.
د راپور پر بنسټ په دې کتنه کې کابل ښاروال ویلي، چې د کابل او ترکيې د ښارونو ترمنځ بايد معنوي اړيکې پياوړې شي او د ښارونو ترمنځ د اړيکو د پراختيا او له شته فرصتونو څخه په سمه توګه د استفادې لپاره بايد په علمي او تخنيکي برخه کې دوه اړخيزې مرستې ترسره شي.
راپور زیاتوي، د ترکیې سفارت د سوداګرۍ برخې سلاکار ویلي، چې د کابل ښار د معیاري ودې او پراختیا په ځانګړي ډول د سوداګریزو بلاکونو د جوړولو په برخه کې به له کابل ښاروالۍ سره مرسته وکړي.
نوموړي له کابل ښاروال څخه غوښتنه کړې، چې د حضوري چمن ته څېرمه د بلاک جوړولو د پروژې قانوني ستونزې او برخلیک، چې په تېرو کلونو کې د کابل ښاروالۍ له خوا د ترکیې هېواد له یوه خصوصي سکتور سره هوکړه شوې وه او د ځینو لاملونو له امله یې د جوړولو چارې درېدلې دي، معلوم کړي څو یې د جوړولو چارې بیا ځلې پیل شي.
ـــــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/