گهیځ
کابل-ګهیځ نیوز( د اسد/ زمري ۲۶ مه نېټه):
د راپورونو له مخې د جاپان دیپلومات ورځپاڼې په خپله وروستۍ ګڼه کې لیکلي، چې د افغانستان سرپرست حکومت بریالی شوی، چې د افغانستان اقتصاد په خپلو پښو درېدلی وساتي.
یادې ورځپاڼې لیکلي، چې هېڅ وسلوال یا سیاسي مخالف د کورني یا بهرني ملاتړ سره د سرپرست حکومت پر وړاندې د مقابلې لپاره شتون نه لري.
ورځپاڼې څرګنده کړې، چې د افغانستان سرپرست حکومت د سیمې له هېوادونو سره په تعامل کې ثابت موقعیت لري او له دغو هېوادونو سره په همغږۍ کې په دې بریالی شوی، چې د افغانستان اقتصاد په خپلو پښو درېدلی وساتي او د مخالفو وسلوالو ډلو په ځپلو سره د هېواد داخلي امنیت ښه کړي او هم یې له فساد سره د مبارزې، نشه یي توکو د کښت او تولید په مخنیوی کې اغېزناکه مبارزه کړې ده.
دیپلومات ورځپاڼې ویلي، سرپرست حکومت په رسمیت پېژندل خپل حق بولي او د چین او روسیې په څېر دوی سره د ځواکمنو هېوادونو اړیکې ټینګېدل داسې ښیي، چې نړۍ له دغه نظام سره د تعامل په لټه کې ده.
ـــــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/