گهیځ
کابل-ګهیځ نیوز( د عقرب/ لړم ۱۰ مه نېټه):
د راپورونو له مخې د فاریاب ولایت د کرنې، اوبو لګولو او مالدارۍ ریاست مسوولینو ویلي، چې په یاد ولایت کې د مڼو په حاصلاتو کې ۵۰ سلنه زیاتوالی راغلی.
د فاریاب د کرنې، اوبو لګولو او مالدارۍ ریاست د کرنیزو چارو آمر ویلي، چې په یاد ولایت کې د مڼو حاصلات د تېرکال په پرتله ۵۰ سلنه زیات شوي دي.
د نوموړي په خبره د مڼو د حاصلاتو د زیاتېدو لامل د کروندګرو ستونزو ته پاملرنه او هغوی ته د کرنیزو درملو وېش بلل شوی دی.
بل لور د یاد ولایت یو شمېر بڼوالانو او د دې محصول پلورونکي د مڼو له حاصلاتو څخه خوښ دي او له سرپرست حکومت څخه غوښتنه کوي، چې د دوی د محصولاتو د ودې لپاره د مناسبو کورنیو او بهرنیو بازارونو، د اوبو بندونو او د سړو خونو جوړولو ته زیاته پاملرنه وکړي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/