گهیځ
کابل-ګهیځ نیوز( د قوس/ لیندۍ ۱۳ نېټه):
د رسنیو د راپورونو له مخې د پښتون ژغورنې غورځنګ مشر منظور پشتین په چمن کې د پاکستانی پولیسو له لوری نیول شوی دی.
د چمن ځایی امنیتی مسوولینو هم د نوموړی د نیول کېدو خبر تایید کړی، خو په اړه یې نور جزیات نه دی ورکړی.
په جنوبی پښتونخوا کې د پښتون ژغورنې غورځنګ مشر د نوموړی د هر څه ژر خلاصون غوښتنه کړې ده.
منظور پښتین د تېرې یکشنبې په ورځ ویلی و، چې د سه شنبې په ورځ به د ورکو شویو کسانو د پیدا کېدو لپاره د بلوڅانو په یوه پرلت کې برخه واخلی.
پشتین تېره اوونۍ ډیورنډ کرښې ته څېرمه چمن کې پرلت والو ته په وینا کې ویلی وو، چې د پښتونو سیاسی مشران باید تر راولپنډۍ پورې لاریون وکړی او هلته د خپلو حقونو غوښتنې لپاره پرلت ووهی.
د منظور پښتین نیول کېدو په دغه هېواد کې د ګڼ شمېر خلکو غبرګونونه را پارولی او ښایی چې نن په ټول پاکستان کې د دغه غورځنګ د پلویانو لخوا د نوموړی د خلاصون لپاره پراخ اعتراضونه ترسره شی.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځنی، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/