گهیځ
متحده عربی اماراتو د خپل بیرغ په پورته کولو سره په کابل کې خپل سفارت بېرته پرانست.
د افغانستان داسلامی امارت ویاند اود اطلاعات او کلتور وزارت مرستیال ذبیح الله مجاهد پر خپله ټویټرپاڼه د عربی متحده اماراتو د سفارت د بیا پرانستو خبره کړې ده.
مجاهد لیکلی: ” د نورو مثبتو ګامونو په لور یو مثبت ګام؛ متحده عربی اماراتو په پلازمېنه کابل کې خپل سفارت د خپل بیرغ په پورته کولو سره بېرته پرانېست”.
هغه وایی چې متحده عربی امارات او افغانستان په خپلو منځونو کې ښې اړیکې لری او زیاتوی، پکار ده چې دا اړیکې نورې هم پیاوړې شی.
د یادونې وړ ده، چې په کابل کې د طالبانو تر واکمنۍ وروسته ګڼو هېوادونو خپل سفارتونه تړلی وو، خو د پاکستان، روسیې او چین سفارتونو د تېر په څېر خپلې دندې پر مخ وړلې.