گهیځ
کابل-ګهیځ نیوز( د قوس/ لیندۍ ۲۱ نېټه):
د ګهیځ نیوز د خبر له مخې ځینو بهرنیو رسنیو د اسراییلی چارواکو له قوله ویلی، چې د غزې په روانه جګړه کې یې د وژل شویو پوځیانو رسمی شمېر له سلو واوښت.
په داسې حال کې چې اسراییلی اشغالګر د غزې جنوبی برخې خان یونس کې د حمـ.ـاس جنګیالیو له سخت مقاومت او شا تګ سره مخ شول، دوی اوس د غزې جنوب خان یونس ښارګوټی څخه د جګړې مخه لوېدیځ لور ته غځولې ده.
راپورونه وایی، چې دغه سیمه کې سخته جګړه روانه ده.
پر ټویټر داسې ویډیوګانې لاس په لاس کیږی، چې په کې د اسراییلی اشغالګرو ګڼ شمېر ټانګونه د حمـ.ـاس جنګیالیو لخوا تر ویشتلو وروسته په اور کې سوځیږی.
یو شمېر رسنۍ بیا وایی، چې د غزې جګړه کې سلګونه اسراییلی پوځیان وژل شوی او له ۵ زرو ډېر ژوبل دی، چې په ژوبلو کې ۳ زره یې دایمی معیوب شوی دی، خو دغه شمېرې اسراییلی رسمی سرچینو نه دی تایید کړی.
حـ.ـماس ویلی، په پوره قوت به اسراییلی اشغالګرو ته غاښ ماتوونکی ځواب ورکړی.
د دغې ډلې ویاند ابو عبیده پر ټویټر خپله تازه وینا کې ویلی، چې اسراییلی بریدونه یې په تمامه معنا له ماتې سره مخ کړی او له راغلو پوځیانو یې د تللو لار ورکه کړې ده.
نوموړی اسراییلی اشغالګرو ته خبرداری ورکړ، چې د غزې د وژل شویو ماشومانو او تور سرو غچ اخیستو ته دې انتظار وباسی.
په غزه کې روغتیایی چارواکو ویلی، چې د اسراییلی اشغالګرو په بریدونو کې بیا شاوخوا ۱۸ زره بې دفاع کسان وژل شوی او نږدې ۵۰ زره نور ټپیان دی.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځنی، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/