گهیځ
کابل-ګهیځ نیوز( د جدي ۴مه نېټه):
د ګهیځ نیوز د خبر له مخې پوليو څخه د پاک افغانستان سازمان خبر ورکړی، چې نن دوشنبه د افغانستان په ۲۰ ولاياتو او د هرات په ځينو برخو کې د پوليو واکسين کمپاين پيل شو.
د خبر پر بنسټ، دغه کمپاین چې ګوزڼ مخنیوي لپاره کیږي، اووه ورځې به دوام وکړي او په کې به تر پنځو کلونو کم عمره لکونه ماشومان واکسين شي.
د پوليو د لمنځه وړلو کمېټې له ۳۷مې بېړنۍ ناستې وروسته د روغتيا نړيوال سازمان په يوه اعلاميه کې ویلي، افغانستان کې د ۲۰۲۳ کال پرمهال د چاپېريال ۴۶ مثبتې نمونې ثبت شوي، چې ډېرې يې په ننګرهار او کونړ کې وې، خو په دې وروستيو کې د چاپېريال مثبتې نمونې په کابل، زابل، کندهار او بلخ کې ولايتونو کې هم ثبت شوي دي.
د روغتیا نړیوال سازمان دا اندېښنه هم څرګنده کړې، چې له پاکستانه د افغان کورنیو په راستنېدو سره به د پولیو مثبتې پېښې زیاتې شي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/