گهیځ
کابل-ګهیځ نیوز( د جدی/ مرغومی۲۶ مه نېټه):
د ګهیځ نیوز د خبر له مخې د افغانستان د غالیو د تولید او صادرونکو ټولنې ویلی، چې المان کې د غالیو په ډمسټک نړیوال نندارتون کې د غالیو اتو صادرونکو شرکتونو ګډون کړی دی.
د خبر پر بنسټ، د دغې ټولنې رییس له افغانی غالیو د ننداره کوونکو څخه په هرکلی سره ویلی، چې دغه نندارتونونه د یو هېواد په کورنیو تولیداتو باندې ښه اغېز پرې باسی او دا یې د بازارموندنې لپاره ګټور دی.
دغه نړیوال نندارتون د جرمنی په هانابر ښار کې د بېلابېلو هېوادونو د غالیو او ګلم د نندارې په موخه جوړ شوی دی.
په دغه درې ورځنی نندارتون کې د هند، چین او ایران په ګډون د افغانستان په لاس اوبدل شوې غالۍ او ګلم هم نندارې ته ایښودل شوی دی.
د یاد نندارتون یو شمېر ګډونوال وایی، په دې دریو ورځو کې د افغانی غالیو تر ټولو ډېر پېرودونکی له کاناډا، امریکا، سعودی عربستان، بلجیم او لندن څخه وو.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/