د کابینې غونډه کې د ټرافیکی پېښو د مخنیوی طرحه تأیید شوه

کابل-ګهیځ نیوز( د حمل / وری ۱۴مه نېټه):

د ګهیځ نیوز د خبر له مخې د سرپرست حکومت د رییس الوزراء په مشری د کابینې په شلمه غونډه کې د کورنیو چارو وزارت له لوری د ټرافیکی پېښو د مخنیوی طرحه تأیید او د اړوند ارګانونو له لوری یې د تطبیق پرېکړه شوې ده.

په غونډه کې له مالدارو سره د مؤسساتو له لوری د شویو مرستو راپور وړاندې شوی او د اقتصاد وزارت ته دنده وسپارل شوه، چې په راتلونکی کې دې خپلې چارې د طرز العمل مطابق له اړوند ادارو سره په همغږۍ سرته ورسوی.

د کابینې له لوری د ټرافیکی پېښو مخنیوی طرحه داسې مهال چمتو او تأییدیږی، چې په دې وروستیو کې پر لویو لارو د ټرافیکی پېښو ډېرښت له امله لسګونه خلکو ته مرګ – ژوبله اوښتې.

ــــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/