گهیځ
کابل-ګهیځ نیوز( د ثور ۲۴مه نېټه):
د ګهیځ نیوز د خبر له مخې د سرپرست حکومت اقتصادي مرستیال بغلان ته د سفر په ترڅ کې د وروستیو سېلابونو له زیانمنو شویو خلکو سره کتلي دي.
د خبر پر بنسټ نوموړي د وروستیو سېلابونو له زیانمنو سره په کتنه کې ویلي، چې اړوند ادارو ته یې دنده سپارلې څو ژر تر ژره زیانمنو ته مرستې برابرې کړي.
اقتصادي مرستیال ډاډ ورکړی، چې سرپرست حکومت تر هغه وخته د یادو سېلاب ځپلو تر څنګ ولاړ دی، څو یې ژوند عادي حالت ته راوګرځي.
نوموړي زیاته کړې، سرپرست حکومت د زیانمنو شویو خلکو د ژغورلو لپاره ټول شته امکانات په کار اچولي او ټول اړوند وزارتونه او ادارې پر دې بوختې دي، چې سیمې ته بېړنۍ مرستې ورسوي.
اقتصادي مرستیال یو ځل بیا په ټولو ملي سوداګرو، شتمنو هېوادوالو، خېریه بنسټونو او مرستندویه موسسو غږ کړی، چې په سخت وضعیت کې د زیانمنو شویو افغانانو لاسنیوی وکړي او خپلې مرستې ور ورسوي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/