فاریاب کې د مالګې د کان درې بلاکونه په قرارداد ورکړل شول

کابل-ګهیځ نیوز(د سرطان ۶ مه نېټه)

د ګهیځ نیوز د خبر له مخې ‏د کانونو او پټرولیم وزارت پر خپلې اېکس پاڼې لیکلي، چې په فاریاب اندخوی ولسوالۍ کې د مالګې کان درې بلاکونو د داوطلبي پروسه پای ته رسیدلې او قرارداد یې لاسلیک شوی دی.

دوی د کانونو او پټرولیم د وزیر له قوله لیکلي، چې فاریاب کې د مالګې د کانونو د استخراج او پروسېس د عملي کار په پیل سره به لسګونو کسانو ته د کار زمینه برابره شي او افغانستان به د مالګې د تولید په برخه کې پر ځان بسیا شي.

د مالګې د کان د درېيو بلاکونو دغه قرارداد د ابو سعيد يما پټروليم په نوم د مالګې د پروسېس یوه شرکت ګټلى دى.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/