غزني کې د ګنجینې په نوم درې ورځنی نندارتون پرانیستل شو

کابل-ګهیځ نیوز(د سرطان ۷ مه نېټه)

د ګهیځ نیوز د خبر له مخې د صنعت او سوداګرۍ وزارت په غزني کې د ګنجینې په نوم درې ورځنی نندارتون پرانیستی دی.

د دغه وزارت مسوولینو ويلي، په دې نندارتون کې ۸۰ غرفې د کورنیو تولیداتو د ودې لپاره ایښودل شوې، چې ۳۲ یې ښځینه سوداګرو ته ځانګړې دي.

د ګنجینې نندارتون په پرانیست غونډه کې د صنعت او سوداګرۍ وزارت مرستیال ویلي، دغه وزارت سږکال د ۵۰ ملي او نړیوالو نندارتونو د جوړېدو پلان لري.

نوموړي دغه راز زیاته کړې، چې د کورنیو تولیداتو د ودې لپاره يې د هېواد په بېلابېلو ولایتونو کې نندارتونونه جوړ کړي دي.

د خبرپاڼې له مخې، د دې نندارتون موخه کورنیو تولیداتو ته بازار موندنه، د ملي صنعت ترویج، له کورنیو تولیداتو څخه د خلکو د استفادې تشویق او د سوداګرو ترمنځ د بازارونو ارزونه ده.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/