گهیځ
رییس الوزراء: د رسمیت پېژندنې ټول شرطونه مو پوره کړی دی
ګهیځ: رییس الوزراء مولوی محمد حسن اخوند وایی، اسلامی امارت ټول هغه شرطونه بشپړ کړی، چې د یو نظام د مشروعیت له پاره بس او اړین دی.
نوموړی دا خبرې «د افغانستان اقتصاد» په نوم جوړ شوی کنفرانس ته کړی.
هغه ویلی، هېوادونه باید جرئت وکړی چې اسلامی امارت په رسمیت وپېژنی او له افغانانو سره مرستې وکړی.
مولوی حسن امریکا ته په خطاب کې ویلی، هغوی چې ا.ا د بشری حقونو په نقض تورنوی، د بندیزونو په لګولو سره یې بشری حقونه تر پښو لاندې کړی دی.
هغه دغه راز ویلی، که د بشری ټولنې غم ورسره وی، پکار ده چې راشی او د خبرو له لارې له کړکېچه پر وتلو غور وکړی.
