گهیځ
کابل-ګهیځ نیوز(د وږی/سنبله ۳۱ مه نېټه)
د ګهیځ نیوز د خبر له مخې د افغانستان کرکټ ملی لوبډلې تېره شپه د متحدو عربی اماراتو په شارجه کې د دریو نړیوالو یو ورځنیو لوبو په دوهمه سیالۍ کې هم سویلی افریقا ته د ۱۷۷ منډو په لوی توپیر ماتې ورکړه.
د دغې لوبې په ګټلو سره افغانستان د روانې لوبلړۍ ګټه هم په خپل نوم کړه.
دغې لوبه کې افغان لوبډلې د پچې په ګټلو لومړۍ توپوهنه وکړه او د رحمانالله ګوربز د سلیزې، د رحمت شاه د پنځوسیزې او عظمتالله عمرزی د ۸۶ چټکو او ناسوځېدلو منډو پر مټ یې سویلی افریقا ته د ۳۱۲ منډو هدف وټاکه.
د سویلی افریقا د پیل توپ وهونکو هم ښه لوبه وکړه او د پیل ملګرتیا یې تر ۷۳ منډو وغځوله، خو عظمت عمرزی د څوارلسم اوور پر وروستی بال لوبډلمشر ‘تېمبا باوېوما’ وسوځاوه.
تر هغه وروسته د سویلی افریقا نور لوبغاړی ژر یو بل پسې وسوځېدل او د پنځه دېرشم اوور تر دوهم توپه یې د ټولو لوبغاړو په سوځېدو سره یوازې ۱۳۴ منډې وکړای شوې.
د افغانستان له لوری توپ اچونه کې راشد خان ۵ او ننیګالی خروټی ۴ لوبغاړی وسوځول.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/