گهیځ
کابل-ګهیځ نیوز(د تلي/ میزان ۱۵ مه نېټه)
د ګهیځ نیوز د خبر له مخې د روسیې د بهرنیو چارو وزیر سرګي لاوروف د افغانستان په اړه د مسکو فارمټ شپږمې ناستې په څنډه کې د افغانستان بهرنیو چارو وزیر سره کتنه کې په سیمه او نړۍ کې د وروستیو بدلونونو وروسته د افغانستان موقعیت ته په اشارې ویلي، افغانستان د سیمې اقتصادي نښلونې برخه کې مهم رول لرلی شي.
سرګۍ لاوروف دې کتنه کې له افغانستان سره په سياسي او اقتصادي برخو کې د خپل هېواد د اړيکو پر پراختيا ټينګار کړی او زیاته کړې یې ده، روسي شرکتونه لېواله دي، چې افغانستان کې د کرنې، کانونو او ټرانسپورټ برخو کې پانګونه وکړي.
دې کتنه کې د افغانستان د بهرنیو چارو وزیر ویلي، د مسکو فارمټ دې د افغانستان او سیمې هېوادونو ترمنځ د همکاریو د پراختیا پر میکانیزم بدل شي.
متقي د روسیې فدراسیون سره د افغان حکومت د ډپیلوماټیکو اړیکو د کچې لوړلو غوښتنه کړې.
دې کتنه کې نوموړي له خپل روسي سیال سره پر دوه اړخیزو سیاسي او اقتصادي اړیکو او سیمه ییزو چارو هم خبرې کړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/