گهیځ
کابل-ګهیځ نیوز(د تلی/ میزان ۱۷ مه نېټه)
د ګهیځ نیوز د خبر له مخې د قرغزستان د احصایې ملی کمېټې ویلی، چې دې هېواد د روان ۲۰۲۴ زېږدیز کال په لومړیو ۷ میاشتو کې د تېر کال د ورته مودې په پرتله افغانستان ته پټرول ۲۷ برابره زیات صادر کړی.
قرغزی رسنیو پرون د قرغزستان د احصایې د ملی کمېټې د مسوولینو له قوله ویلی، دې هېواد افغانستان ته د ۸ میلیونه ۹۰۰زره ډالرو په ارزښت ۷۰۰زره لیتره پټرول صادر کړی، چې د تېر کال په ورته موده کې ۳ لکه ۱۷زره ډالرو په ارزښت ۱۹زره ۳۰۰ لیتره پټرول صادر شوی وو.
افغانستان ته د قرغزستان د صادر شویو تېلو د هر لټر د بیې اوسط پنځه سینټه دی.
افغانستان ته د دغه هېواد صادر شوی پټرول د دوی د ټولو صادر شویو پټرولو ۸۴ سلنه کیږی.
له قرغزستان څخه د نفتی توکو د صادراتو ډېرښت خبر په داسې مهال ورکول کیږی، چې د سوداګرۍ او پانګونې خونې په وینا د اسلام کلا، تورغونډۍ او اقینې په بندرونو کې د نفتی توکو د کېفیت د تثبیت بهیر پڅ شوى، چې له امله یې سوداګر له ستونزو سره مخ دی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/