گهیځ
کابل-ګهیځ نیوز(د تلې/ میزان ۲۲ مه نېټه)
د ګهیځ نیوز د خبر له مخې تېره شپه په خېبر کې د پښتون قوم ستره عدالتی جرګه د پښتون ژغورنې په قیادت کې پیل شوه.
د دغې جرګې په پرانیستې وینا کې د پښتون ژغورنې غورځنګ مشر پر پښتنو د شویو ظلمونو چمتؤ شوی یو څېړنیز راپور هم پر لوی سکرین خلکو ته وړاندې کړ.
د دغه څېړنیز راپور په اساس د نورو ټولو سیمو په پر پرتله ډېر مرګونه په پښتون مېشتو سیمو کې شوی دی.
د راټولې شوې څېړنې له مخې پښتنو پر خاوره وروستیو لسیزو کې ۷۶زره ۵۸۴ تنه پښتانه وژل شوی، چې ۱۷سوو زیات مشران په کې حلال شوی او د ۶ زره ۷۰۰ څخه ډېر پښتانه ورک دی.
د څېړنې له مخې د پښتنو پر سیمو نږدې ۱۰ زره بمونه غورځول شوی، چې ۲ سوه بمونو باندې یوازې جوماتونه په نښه شوی.
دغه راز څېړنه کې ویل شوی، چې د پښتنو ۳ لکه ۷۰ زره کورونه ړنګ شوی او زر جوماتونه یا مدرسې هم شهیدانې شوې دی.
دغه راز څېړنې زیاته کړې، چې د دغو نا امنیو له امله ۷ زره ۵۳۸ پښتانه معلول شوی، د ۲۷ زرو څخه ډېرې میندې کونډې شوی او یوازې پښتونخوا کې ۲ زره علماء شهیدان شوی دی.
همدا شان څېړنې کې ویل شوی، چې پاکستان حکومت د ۲ لکه ۲۱ زرو پښتنو شناختی کارډونه بلاک کړی دی.
نن په دوهمه ورځ به راټول شوی مشران د موضوعاتو پر حل بحث کوی چې ورپسې به د جرګې عمومی پرېکړه اعلانیږی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/