گهیځ
ګهیځ: نن سې شنبه (د سلواغې ۱۹مه) د اسلامی امارت چارواکی وایی، د ترکیې د سرې میاشتې ټولنې ۷۵۰ ټنه مرسته شوی مواد نن د هرات تورغونډۍ بندر ته را ورسېدل.
دا خبره د ا.ا یوه ویاند انعام الله سمنګانی پر خپله ټویټرپاڼه لیکلې ده.
څو ورځې وړاندې د ترکیې د سرې میاشتې ټولنې مشر کابل کې وویل، دوی به په دوو جوپو کې ۱۲ نیم سوه ټنه بشری مرسته افغانستان ته ولېږی.
په دې مرستو کې خوراکی او غیر خوراکی توکی او دغه راز دارو درمل شامل دی.
