گهیځ
کابل-ګهیځ نیوز(د لړم / عقرب ۷ مه نېټه)
د ګهیځ نیوز د خبر له مخې د افغانستان کرکټ الف ټیم چې ابدالیان لوبډله نومیږی، د آسیا په ایمرجینګ کپ سیالیو کې د سریلانکا الف ټیم په ماتولو سره وتوانېده، چې د دې سیالیو اتلولی په خپل نوم کړی.
په دې پایلوبه کې سریلانکا افغانستان ته د ۱۳۴ منډو هدف ورکړی و چې افغان لوبډلې په ۱۹ اوور کې د دریو لوبغاړو په سوځېدو سره یاد هدف پوره کړ.
د دغې بریا لپاره د شپې ناوخته د افغانستان په بېلابېلو سیمو کې خلک لارو – کوڅو ته راووتل او د بریا خوښی یې ولمانځله.
د ملی لوبډلې لوبغاړو راشد خان، محمد نبی او ګڼو نورو هم د مبارکۍ په پار ویډیوګانې خپرې کړی.
د افغانستان پخوانی ولسمشر حامد کرزی په خپلې اېکس پاڼې د دې بریا مبارکی ورکړې او ویلی، چې افغان لوبغاړو په ټولو لوبو کې د افغانستان لپاره لاسته راوړنې کړی.
د افغان حکومت د بهرنیو چارو وزارت مرستیال شـ ـیر محمد عـ ـباس سـ ـتانکزی یو بیان کې ویلی، د افغانستان د کرکټ لوبغاړی، قهرمانان چې د سریلانکا په مقابل کې یې اتلولی خپله کړه؛ دوی ته، د کرکټ ټول ټیم او د دوی د کرکټ بورډ ټولو منسوبینو او د افغانستان ملت ته د زړه له کومې مبارکی وایم. له الله پاکه نور توفیق ورته غواړم.
د افغانستان د سولې لپاره د امریکا پخوانی ځانګړی استازی زلمی خلیلزاد هم په خپله ایکسپاڼه په دې بریا خوښی ښودلې.
په ایمرجنګ کپ سیالیو کې د افغانستان، هند، سریلانکا، بنګلدېش، کوربه متحده عرب امارات، عمان، هانک کانګ او پاکستان لوبډلې شاملې وې.
که څه هم دا الف ټیمونه وو، خو اکثرو لوبډلو کې د ملی ټیمونو مهم لوبغاړی هم ولوبېدل.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/