گهیځ
کابل-ګهیځ نیوز(د لړم / عقرب ۲۷ مه نېټه)
د ګهیځ نیوز د خبر له مخې پاکستاني رسنیو راپور ورکړی، چې د لاهور ښار د وژونکې ککړې هوا له امله هره ورځ لسګونه زره کسان د تنفسي ناروغیو له امله روغتونونو ته وړل کیږي.
د لاهور روغتیايي مسوولین وايي، د هوا د ککړتیا له امله هره ورځ شاوخوا ۷۰ زره کسان روغتونونو کې بستریږي.
د جناح روغتون چارواکو ویلي، ډېری ناروغان د ستوني او سینې له ناروغیو کړیږي او د دې حالت شدت ورځ تر بلې زور اخلي.
ډاکټرانو د لاهور اوسنی حالت د کوویډ-۱۹ په پرتله خطرناک بللی دی.
د پاکستان حکومت د دې ستونزې د حل لپاره په لاهور ښار کې بېړنی روغتیايي حالت اعلان کړی او ښوونځي او دولتي ادارې یې رخصت کړي دي.
یاده دې وي چې څو ورځې وړاندې لاهور ښار د نړۍ په کچه له چټلو ښارونو څخه وبلل شو او د راپورونو له مخې د هوا ککړتیا کچه په دې ښار کې ۱۰۶۸ ته رسېدلې ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/