گهیځ
کابل-ګهیځ نیوز(د لیندۍ / قوس لومړۍ نېټه)
د ګهیځ نیوز د خبر له مخې د تورخم کمیسار په مشرۍ افغان لوری له پاکستانی چارواکو سره د یو شمېر مهمو موضوعاتو د حل او همغږۍ په موخه ناسته کړې.
دغه ناسته کې د تورخم کمیسار ترڅنګ د تورخم ګمرک، ترانسپورټ، مهاجرینو او اطلاعات او کلتور ادارو استازو هم ګډون درلود.
یاده ناسته کې پرېکړه شوې، چې د مریضانو د تګ – راتګ محدودیتونه ختم شی او عامو خلکو ته په بندر کې د اسانتیاوو د برابرولو هڅې باید زیاتې شی.
دغه راز سوداګرو ته د سوداګریزو فعالیتونو د اسانتیاوو رامنځته کول او کاریګرو ته ځانګړی وخت کې د کار زمینه برابرول د ناستې مهمې برخې وې.
د دې ترڅنګ د لویو باربری موټرو لپاره د TAD کارت تطبیق، د واده ناوې او مړو وارثینو ته د عاجل تګ – راتګ ځانګړې ویزې یا بل سیستم جوړولو په اړه خبرې شوی.
د دې سربېره د مسافرو لپاره د فرضی کرښې د تېرېدو د ستونزو په حل هم ټینګار شوی، څو مسافر پر وخت خپل سفر بشپړ کړی او د ځنډ ستونزې ورسره مخ نه شی.
د مسوولینو په وینا دواړو لوریو د یادو موضوعاتو د حل لپاره پر ګډو همکاریو ټینګار وکړ او ژمنه یې وکړه، چې د تورخم بندر د چارو د ښه والی لپاره به کار کوی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/