گهیځ
کابل-ګهیځ نیوز(د لیندۍ / قوس ۵ مه نېټه)
د ګهیځ نیوز د خبر له مخې یو شمېر پاکستانۍ رسنیو راپور ورکړی، چې د پخوانی لومړی وزیر عمران خان زرګونه پلویانو د سختو امنیتی تدابیرو باوجود په پلازمېنه اسلام آباد کې د هغه په ملاتړ راټول شول.
د خبر پر بنسټ دا لاریون د هغه د نیول کېدو او محاکمې پر وړاندې د احتجاج په توګه ترسره شو.
د پاکستان حکومت د امنیتی ګواښونو له امله د اسلام آباد په شاوخوا کې د کانټینرونو په ایښودلو سره د ښار ته د لاریونوالو د مخنیوی هڅه کړې وه، خو د عمران خان پلویانو په بېلابېلو سیمو کې د امنیتی خنډونو سربېره، د لاریونونو له لارې خپل غږ پورته کړ.
په دې لاریون کې ګډونوالو د عمران خان د ژر تر ژره خوشې کېدو او د هغه د ملاتړ غوښتنه وشوه.
د پولیسو او لاریونوالو ترمنځ د یو شمېر شخړو راپورونه هم ورکړل شوی دی.
امنیتی ځواکونو د لاریونوالو د کنټرول لپاره ځینې سیمې وتړلې او د دوی د خورولو هڅه یې وکړه.
د عمران خان پلویان ټینګار کوی، چې مشر ته یې باید عدالت ورکړل شی او د هغه پر وړاندې د سیاسی غچ اخیستو هڅې باید پای ته ورسیږی.
د لاریونوالو د بلې غونډې پلان لا نه دی روښانه، خو د پاکستان سیاسی وضعیت په اړه د کړکېچ زیاتېدو اندېښنې ورځ تر بلې د ډېرېدو په حال کې دی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/