گهیځ
کابل-ګهیځ نیوز(د لیندۍ / قوس ۱۰ مه نېټه)
د ګهیځ نیوز د خبر له مخې د تېر کال په پرتله سږ کال له بلخ ولایت څخه د قره قل پوستکي صادرات ۸۰ سلنه ډېر شوي.
د دغه ولایت د قره قل ریاست مسوولینو وايي، چې په تېرو اتو میاشتو کې څه باندې ۹۲ زره د قره قل پوستکي د منځنۍ آسیا هېوادونو او اروپا ته صادر شوي.
په ورته وخت کې د قره قل خولۍ یو شمېر صنعتکاران له سرپرست حکومت څخه د دې صنعت د ملاتړ غوښتنه کوي.
د قره قل پوستکی د نوي زېږېدلي اوریانو څخه ترلاسه کیږي، چې خولۍ، چامپرونه او نورې جامې ترې جوړیږي.
په همدې حال کې د بلخ د صنعت او سوداګرۍ ریاست وايي، د قره قل له صنعتکارانو سره د مرستې لپاره پلانونه په لاس کې لري.
قره قل د هېواد یو له مهمو صادراتي توکو څخه دی، چې د نړۍ په کچه ځانګړی کېفیت او شهرت لري.
دغه صنعت اوسمهال د هېواد په شمالي ولایتونو کې د ودې په حال کې دی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/