گهیځ
کابل-ګهیځ نیوز(د لیندۍ / قوس ۱۳ مه نېټه)
د ګهیځ نیوز د خبر له مخې مالیې وزارت د افغانستان او ترکمنستان په سرحدی سیمه کې د مؤقت بندر د جوړېدو خبر ورکړی.
د مالیې وزارت د ګمرکونو او عوایدو د مرستیال عبدالمتین سعید په مشرۍ د کانونو او پټرولیم، ملی دفاع، کورنیو چارو او د قومونو، قبایلو او سرحدونو چارو وزارتونو او د استخباراتو لوی ریاست ګډ پلاوی د ترکمنستان د سرحدونو چارو وزارت له معین ایلمانوف د ټاپی پروژې له رییس، مراد امانوف او د یاد هېواد د بهرنیو چارو وزارت له استازی سره کتلی.
په دې کتنه کې دواړو لوریو د ټاپی پروژې لپاره د افغانستان خاورې ته د تخنیکی کارکوونکو، وسایلو او ماشینرۍ د لېږدولو، د کارکوونکو د وېزو او کاری ساعتونو د مشخصولو او د ټاپی پروژې د تجهیزاتو د آسانه لېږد په موخه د افغانستان او ترکمنستان د سرحدی سیمې اسلیم چشمه کې د لنډمهاله بندر د جوړېدو په اوه خبرې کړی.
افغان پلاوی د ټاپی پروژې د عملی کولو بشپړ ډاډ ورکړی او په سرحدی سیمه کې یې د کارکوونکو د تګ – راتګ، د وسایلو او ماشینرۍ لېږد او د کار د رسمی وخت په اړه د ترکمنستان لوری وړاندېزونه د تایید وړ بللی، چې د دواړو هېوادونو د بهرنیو چارو وزارتونو د نظر له تبادلې وروسته به عملی شی.
بل لور د ترکمنستان پلاوی هم د ټاپی پروژې د کار د چټکوالی او اړینو وسایلو د برابرولو ژمنه کړې ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/