گهیځ
کابل-ګهیځ نیوز(د مرغومی / جدی ۱۵ مه نېټه)
د ګهیځ نیوز د خبر له مخې غزه کې د یوه روغتون او اضطراری چارو کارکوونکو اسوشېټېډ پریس خبری آژانس ته ویلی، چې د اسراییلی بمباریو له امله غزه کې پنجشنبه او جمعې د ماشومانو په ګډون ۴۲ کسان شهیدان شوی دی.
د غزې د روغتیا وزارت د معلوماتو له مخې د ۲۰۲۳ زیږدیز کال د اکتوبر میاشتې له اوومې نېټې راوروسته په غزه کې د اسراییلی ځواکونو د بریدونو له امله د وژل شویو فلسطینیانو شمېر له ۴۵ زرو څخه اوښتی، چې د قربانیانو لوی تعداد ښځې او ماشومان دی.
په مقابل کې یې د حـ ـماس جـ ـهادی ډلې د عملیاتو په ترڅ کې د وژل شویو اسراییلی پوځیانو شمېر شاوخوا ۵۱۰ تنو ته رسېدلی دی.
په ورته وخت کې د غزې د نږدې ۱۵ میاشتنۍ جګړې پای ته رسېدو لپاره قطر کې د اوربند خبرې بیا پیل شوې.
د حماس ډلې چارواکو ویلی، دا غیرمستقیمې مذاکرې په دوحه کې روانې دی، چې د دایمی اوربند او له غزې د ټولو اسراییلی ځواکونو د وتلو پر موضوع متمرکزې دی.
د غزې اوسېدونکی د جګړې د پای ته رسېدو او دایمی اوربند په هیله دی، خو د اسراییلی اشغالګرو دوامدارې بمبارۍ د دوی راتلونکې لا هم له نامعلوم برخلیک سره مخ کړی دی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/