گهیځ
کابل-ګهیځ نیوز(د مرغومی / جدی ۲۴ مه نېټه)
د ننګرهار چاپېریال ساتنې ریاست ویلی، چې د ښېوې ولسوالۍ په کاشکوټ سیمه کې د کوږ په نوم یو وحشی حیوان موده وړاندې د کوچیانو له خوا د اضرارو د مخنیوی په موخه نیول شوی او د امنیتی ارګانونو په همغږۍ چاپېریال ساتنې ریاست ته سپارل شوی و.
د دوی په وینا د یاد حیوان روغتیایی وضعیت ته په کتو تر د درملنې وروسته د وحشی حیواناتو او الوتونکو د خوشې کولو لپاره د ټاکل شوې ګډې کمېټې د غړو په شتون کې خپل اصلی چاپېریال ته خوشې شو.
دغه حیوان د چاپېریال ساتنې ملی ادارې د ساتل شویو نوعو په لېست کې شامل د نایابه وحشی حیواناتو له ډلې دی، چې د ایکوسیستم لپاره خورا مهم ارزښت لری.
د چاپېریال ساتنې ریاست له ځایی خلکو او امنیتی مسوولینو مننه کړې او له هغوی یې غوښتی، چې د وحشی حیواناتو او الوتونکو د اضرارو ترڅنګ د هغوی ساتنې ته هم پاملرنه وکړی.
د ریاست الوزراء د ۱۱۴ ګڼې حکم پر بنسټ د وحشی حیواناتو او الوتونکو ښکار او قاچاق منع دی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/