گهیځ
کابل-ګهیځ نیوز(د سلواغې / دلو ۳ مه نېټه)
ګهیځ نیوز ته د صنعت او سوداګرۍ وزارت د مطبوعاتی دفتر څخه په استولې خبرپاڼه کې ویل شوی، چې د یاد وزارت سرپرست الحاج نورالدین عزیزی کابل کې د دوو جلا ناستو پرمهال د آذربایجان له سفیر الهام محمدوف او د یوناما له مشرې مېرمن روزا اوتونبایوا سره کتلی.
د خبرپاڼې له مخې لومړۍ ناسته کې سرپرست وزیر د یوناما له مشرې مېرمن روزا اوتونبایوا سره د افغانستان د صنعتی انکشاف، له خصوصی سکتور څخه د ملاتړ، د آنلاین سوداګرۍ مرکزونو د پرانیستنې، د صنعتی پارکونو د برېښنا ستونزو او د پانګونې د هڅولو په اړه خبرې کړی.
مېرمن اوتونبایوا د افغانستان د پانګونې د وروستی کنفرانس بریا وستایله او وړاندیز یې وکړ، چې دا ډول کنفرانسونه دې د افغانستان په پنځو زونونو کې هم ترسره شی.
بل لور دوهمه ناسته کې د صنعت او سوداګرۍ وزیر د آذربایجان له سفیر الهام محمدوف سره د دواړو هېوادونو ترمنځ د سوداګریزو اړیکو پر پراختیا خبرې کړی.
په دې ناسته کې د سوداګریزو توکو د صادراتی لېست شریکولو، د تولیداتو او محصولاتو د نندارتونونو د جوړولو، د لاجوردو لارې د فعال ساتلو او په افغانستان کې د آذربایجانی پانګوالو د پانګونې پر فرصتونو بحث شوی.
د خبرپاڼې له مخې دغه ناسته کې دواړو لوریو د اقتصادی همکارۍ د لا پراختیا لپاره د څلور کسیز ګډ ټیم پر جوړولو هوکړه کړې ده.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/