گهیځ
کابل-ګهیځ نیوز(د سلواغې / دلو ۴ مه نېټه)
د ګهیځ نیوز د خبر له مخې رویټرز خبري آژانس راپور ورکړی، چې تېره ورځ د کلفورنیا ایالت لاس انجلس شمال ځنګلونو کې شدیده اورلګېدنه رامنځته شوې ده.
یاد آژانس وايي، دې اورلګېدنه کې تر دې دمه ۹ زره او ۴۰۰ جرېبه ځمکه سوځېدلې او ۳۱ زره کسانو ته د سیمې پرېښودو امر شوی.
د لاس انجلس چارواکي وايي، د تېزو بادونو له امله د اور لمبې غځیږي او ممکن لسګونه زره نورو کسانو ته هم له کورونو څخه د وتو امر وشي.
د لاس انجلس د اور وژنې مشر انتوني مارون رسنیو ته ویلي، چې دا اورلګېدنه له پخوانۍ اورلګېدنې څخه خطرناکه ده، نوموړی زیاتوي، هغه وضعیت چې موږ نن ورځ په کې یؤ، له هغه وضعیت څخه ډېر توپیر لري چې موږ ۱۶ ورځې وړاندې درلود.
رویټرز زیاته کړې، د دې تازه اور مهار لپاره تر ۴ زرو زیات اور وژونکي کسان لګیا دي، خو د اورلګېدنې مخه سلو کې صفر سلنه نیول شوې ده.
بلخوا د لاس انجلس پخوانی اور هم دوه ځایه لا بلېږي. چارواکي وايي، پخوانی اور یو ځای ۹۸ سلنه او بل ځای شاوخوا ۶۸ سلنه کابو شوی دی.
د یادونې وړ ده، چې پخوانۍ اورلګېدنه کې ۲۸ کسانو ژوند له لاسه ورکړی او شاوخوا ۲۵۰ میلیارده ډالر زیان یې تر دې دمه اړولی دی، خو امریکا یې لا مهار کې ناکامه ده.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/