گهیځ
ګهیځ: نن شبنه (د کب ۱۴مه او د فبرورۍ ۵مه نېټه ده) د اسلامی همکاریو سازمان له افغانستان سره د مرستو پر دوام ټینګار کړی دی.
د دغه سازمان له لوری په خپره شوې خبرپاڼه کې راغلی چې دوی په افغانستان کې بشری خدمتونو سره د مرستې او همکارۍ په برخه کې خپلې هڅې کوی.
سرچینه وایی، دوی په همدې موخه د افغانستان د اماناتو صندوق رامنځ ته کړی دی او په هغه کې به د افغانستان لپاره مرستې راټولېږی او تر هغه وروسته به د افغانستان د خلکو لپاره لګول کېږی.
خبرپاڼه کې راغلی چې تازه نایجیریا د افغانستان د اماناتو له صندوق سره یو میلیون ډالر مرسته کړې او تمه کېږی چې نور هېوادونه هم خپلې مرستې ډېرې کړی.
