حیاتی بشری مرستې د ټرمپ د مرستو د ځنډ له فرمانه مستثناء دی

کابل-ګهیځ نیوز(د سلواغې / دلو ۱۱ مه نېټه)

د ګهیځ نیوز د خبر له مخې د اسوشیتید پریس خبری آژانس راپور ورکړی، چې حیاتی بشری مرستې د ټرمپ د مرستو د ځنډ له فرمانه مستثناء دی.

یاد آژانس هغه سند لیدلی، کوم چې د مارکو روبیو لخوا لاسلیک شوی دی.

په دې سند کې راغلی، حیاتی بشری مرستې لکه اړین درمل، روغتیایی خدمات، خواړه، سرپناه او نور معیشتی ملاتړ به لږ تر لږه موقتاً د امریکا د بندیزونو له پرېکړې مستثناء وی.

بل لور افغانستان کې د اقتصاد وزارت مسلکی مرستیال عبداللطیف نظری ویلی، د امریکا د مرستو بندېدو له امله د افغانستان په ۲۸ ولایتونو کې د ۵۰ نړیوالو موسسو فعالیتونه درېدلی دی.

د دې موسسو ډېری فعالیتونه د کرنې، پوهنې، طبیعی پېښو پر وړاندې مبارزې او روغتیایی خدماتو په برخو کې وو.

په همدې حال کې اقتصاد وزارت د نړیوالو مرستو د بندیدو په اړه اندېښنه ښودلې او ویلی یې دی، چې دا کار د افغانستان د بشری پروژو پر فعالیتونو مستقیم اغېز لری.

د امریکا د بهرنیو مرستو ځنډ د بشری بحرانونو د زیاتېدو احتمال لوړ کړی، خو د حیاتی مرستو استثناء کول یو موقتی حل ګڼل کیږی.

له دې سره د افغانستان حکومت او نړیوالې ادارې د بدیلونو په موندلو ټینګار کوی.

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/