د امریکا ولسمشر یو وار بیا د بګرام هوایی اډې په تړاو څرګندونې کړی

کابل-ګهیځ نیوز(د سلواغې / دلو ۱۴ مه نېټه)

د ګهیځ نیوز د خبر له مخې د امریکا ولسمشر ډونالډ ټرمپ یو وار بیا د بګرام هوایی ډګر پر اهمیت ټینګار کړی او ادعا یې کړې، چې دا ستراتیژیکه اډه اوس د چین په اختیار کې ده.

ټرمپ د سپینې ماڼۍ د نویو فرمانونو د لاسلیک پر مهال ویلی، بګرام د نړۍ له سترو نظامی اډو څخه ده. دا چې چین ته نږدې ده، د متحده ایالاتونو لپاره خورا مهم ارزښت لری.

د نوموړی په خبره که له افغانستانه د امریکایی ځواکونو د وتلو پرمهال ولسمشر وای، هېڅکله به یې باګرام نه وای پرېښی.

نوموړی زیاته کړې، چې د افغانستان پرېښودو طریقه شرمونکې وه او د همدې بې‌ نظمۍ له امله روسیې پر اوکراین برید وکړ.

ټرمپ وړاندې هم د بګرام هوایی اډې پرېښودل د امریکا د ستراتیژیک نفوذ لپاره لویه ضایعه بللې وه، خو تر اوسه د چین له لوری د دې اډې د نیولو په اړه رسمی څه نه دی ویل شوی.

افغان لوری هم تر دا مهاله د ټرمپ دغو څرګندونو ته کوم غبرګون نه دی ښودلی.

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/