گهیځ
کابل-ګهیځ نیوز(د کب / حوت لومړۍ نېټه)
د ګهیځ نیوز د خبر له مخې د امریکا د بهرنیو چارو وزیر مارکو روبیو او د روسیې د بهرنیو چارو وزیر سرګی لاوروف په ریاض کې د لیدنې پرمهال د دواړو هېوادونو د اړیکو پر ښه والی، د اوکراین جګړې پر ختمولو او د اقتصادی همکاریو پر ارزونې خبرې کړی.
د دواړو هېوادونو د بهرنیو چارو وزیرانو پلازمېنه ریاض کې رسمی ناسته کړې، چې هدف یې د واشنګټن او مسکو ترمنځ د سیاسی او اقتصادی اړیکو ښه کول او د اوکراین جګړې ختمولو لپاره د حل لارو موندل وو.
روبیو له دې کتنې وروسته رسنیو ته ویلی، چې خبرې یې په دریو مهمو ټکو متمرکزې وې، د واشنګټن او مسکو په سفارتونو کې د دیپلوماتانو بیا استول، د اوکراین د سولې د خبرو د ملاتړ لپاره د لوړ پوړیو ډلو استول او د دواړو هېوادونو ترمنځ د اقتصادی همکاریو او نږدې اړیکو ارزونه وه.
که څه هم د امریکا او روسیې اړیکې له اوږدې مودې راهیسې ترینګلې دی، خو دا لیدنه د دواړو هېوادونو ترمنځ د احتمالی تفاهم نښه ګڼل کیږی. د دې کتنې جزئیات لا ډېر نه دی څرګند شوی، خو تمه کیږی چې په نږدې راتلونکی کې به دواړه لوری د یادو موضوعاتو د عملی کېدو لپاره نور ګامونه واخلی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/