گهیځ
کابل-ګهیځ نیوز(د کب / حوت ۸ نېټه)
د ګهیځ نیوز د خبر له مخې د ریاست الوزراء اقتصادی مرستیال ملا عـ ـبدالغـ ـنی برادر په مشرۍ د ملی تدارکاتو کمېسیون غونډه کې د ۳ میلیارده افغانیو په ارزښت ۲۷ پراختیایی پروژې منظور او ۷ پروژې تعدیل شوې.
د منظور شویو پروژو له ډلې، د کابل ختیځ کې د ټرانسپورټی ترمینل جوړول، د جمهوریت روغتون پاتې چارو بشپړول، د هرات پاشدان او فراه بخش آباد بندونو بشپړول، د غزنی سلطان بند ساتنې پروژه، د سرپل سلطان ابراهیم بند تفصیلی ډیزاین، همداراز، د کابل – کندهار برېښنا پایو او لین غځول، له کجکی بند څخه کندهار ته د برېښنا رسول او د کابل ښار داخلی سړکونو جوړولو پروژې شاملې دی.
مسوولین وایی، یادې پروژې به د کرنې، روغتیا، انرژۍ او ټرانسپورټ برخو کې مثبت بدلون راولی.
افغان حکومت ټینګار کړی، چې دا پروژې به د شفافیت، کېفیت او چټکتیا پر بنسټ عملی شی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/
