د پاکستان په کوربتوب د ۲۰۲۵ کال د چمپینز ټرافۍ اتلولی هند په خپل نوم کړه

کابل-ګهیځ نیوز(د کب/ حوت ۲۰ مه نېټه)

د ګهیځ نیوز د خبر له مخې د پاکستان په کوربتوب د ۲۰۲۵ کال د اتلانو جام “چمپینز ټرافۍ” له نیوزلینډ څخه د فاینل په ګټلو هندۍ لوبډلې دغه اتلولی په خپل نوم کړه.

دغو سیالیو کې د کوربه په توګه پاکستان یوازې څو ورځې تېرې کړې او په لومړی پړاو کې یې له خپلو دریو لوبو څخه یوه لوبه هم ونه ګټله.

پاکستان چې له هند سره د خپلې سیالۍ ترسره کولو لپاره دوبۍ ته لاړ، هلته له ماتې سره مخ شو.

په نیمه پایلوبه کې نیوزلنډ هم له خپل ګروپ څخه د پایلوبې لپاره دوبۍ ته لاړ او بالاخره هند ترې د دغو سیالیو جام له دوبۍ څخه خپل کور ته یوړ.

د کرکټ لوبو د شنونکو په باور دا د کرکټ په تاریخ کې نادره پېښه ده، چې کوربه په ټولې سیالۍ کې څو ورځې تېرې کړی او له مېلمه لوبډلې سره د لوبې لپاره بل هېواد ته لاړ شی، خو د هېڅ لوبې په ګټلو بریالی نشی.

هند ۱۲ کاله وروسته یو ځل بیا د چمپینز ټرافی اتلولی وګټله، خو د پاکستان لپاره د دغو لوبو کوربتوب او اوږد انتظار هېڅ ګټه ونه کړه.

د شنونکو په خبره پاکستان نه کومه لوبه وګټله، نه یې پایلوبه په هېواد کې وشوه او تر ټولو لوی بیا دا چې رقیب “هندۍ لوبډلې” یې د پایلوبې اتلولی هم ترې خپل هېواد ته یوړه.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/