افغانستان کې د شری ناروغۍ پر ډېرښت د بې پولې ډاکټرانو سازمان اندېښنه ښودلې

کابل-ګهیځ نیوز(د کب/ حوت ۲۵ مه نېټه)

د ګهیځ نیوز د خبر له مخې د بې پولې ډاکټرانو سازمان خبر ورکړی، چې افغانستان کې د شری ناروغی په چټکۍ خپریږی.

دې سازمان ویلی، یوازې د روان کال په لومړیو اتو اوونیو کې د دې ناروغۍ ۴ زره ۷۹۹ مشکوکې پېښې ثبت شوې دی.

یاد سازمان زیاته کړې، دا پېښې د بلخ، هرات او هلمند په هغو دریو روغتونونو کې ثبت شوی، چې د دوی تر ملاتړ لاندې فعالیت لری.

د دغه سازمان په وینا د اندېښنې وړ خبره دا ده، چې د ۲۰۲۵ کال له پیل راهیسې هره ورځ لږ تر لږه یو ماشوم د شری له امله خپل ژوند له لاسه ورکړی، چې دا شمېر د تېر کال د همدې مودې پرتله درې چنده زیاتوالی ښیی.

روغتیایی کارپوهان وایی، د شری ناروغی ډېری وخت ماشومان ځپی او که پر وخت درملنه یې ونه شی، د مړینې لامل یې ګرځی.

دوی ټینګار کوی چې د واکسیناسیون پراخ کمپاینونه، عامه پوهاوی او له ناروغانو سره چټکه طبی مرسته کولای شی د دې ناروغۍ مخه ونیسی.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/