گهیځ
کابل-ګهیځ نیوز(د کب/ حوت ۲۶ مه نېټه)
د ګهیځ نیوز د خبر له مخې افغانستان کې د کډوالو نړیوال سازمان مرستیالې موتیا مسکون د کډوالو چارو وزیر مولوی عبدالکبیر سره خبرو کې له ګاونډیو هېوادونو په جبری ډول د افغان کډوالو پر وېستنې اندېښنه ښودلې.
د کډوالو چارو وزارت ویلی، دې کتنه کې موتیا مسکون روان کال کې د یاد سازمان کاری پلان له دوی سره شریک کړی او په جبری ډول یې د کډوالو وېستل د اندېښنې وړ بللی.
نوموړی ویلی، هوډ لری کډوالو ته د اړینو نغدی او غیرنغدی مرستو رسولو سربېره له پاکستانه د کډوالو د نوې لړۍ له پیل وړاندې د اغېزمنو مرستو په موخه افغان حکومت سره همغږی زیاته کړی.
بل لور د کډوالو چارو وزیر هم د کډوالو او داخلی بې ځایه شویو لپاره د ملګرو ملتونو بشری مرستې مهمې او اغېزمنې بللې دی.
مولوی عبدالکبیر زیاته کړې، دوی په دایمی ډول د کډوالۍ ستونزې د حل هڅې کوی او کډوالو ته د ښارګوټو په جوړولو یې د اړوند مرستندویه بنسټونو په همکاریو ټینګار کړی دی.
د کډوالو نړیوال سازمان داسې مهال په جبر د کډوالو وېستنې ته اندېښنه ښودلې، چې د پاکستان حکومت له دې هېواده د افغان کډوالو د وېستلو لپاره د روانې مارچ میاشتې وروستۍ نېټه ورکړې ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.
ګهیځ نیوز، د اطلاع رسونې باوری سرچینه
زموږ خبری ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/