گهیځ
ګهیځ نیوز: نن پنجشنبه (د چنګاښ ۱۶مه او د جولای میاشتې ۷مه نېټه ده) د ا.ا امارت مرکزی ویاند ذبیح الله مجاهد د امریکا ولسمشر جوبایډن ته په ځواب کې ویلی، چې له پرېکړې یې هیڅ اندېښنه نه لری.
له دې مخکې بایډن ویلی و، چې (غواړم، چې د امریکا د غیرناټو د لوی متحد په توګه د افغانستان موقف لغو کړم).
خو مجاهد ویلی، چې دغه دریځ افغانستان ته کومه ګټه نه ده رسولې.
نوموړی زیاته کړې، چې په تېرو ۲۰ کلونو کې افغانانو له همدې دریځه کړاوونه لیدلی او هیڅوک ترې ښه خاطره نلری.
د ښاغلی مجاهد په وینا، مونږ په ډیپلوماټیکو او سوداګریزو برخو کې له نورو هېوادونو سره ښې، مثبتې او ډاډمنې اړیکې غواړی.
