گهیځ
ګهیځ نیوز: نن شنبه (د زمری/اسد میاشتې لومړۍ او د جولای میاشتې ۲۳مه نېټه ده) افغان چارواکی وایی د پنجشېر له سیند څخه کابل ته د څښاک پاکو اوبو رسولو پروژه به ډېر ژر پیل شی.
د اوبو او انرژۍ وزارت سرپرست عبدالطیف منصور نن (شنبه د زمری لومړۍ) په کابل کې خبریالانو ته وویل چې د یادې پروژې په بشپړېدو سره به په مرکز کابل کې د څښاک پاکو اوبو د کمښت ستونزه هواره شی.
نوموړی زیاته کړې چې د دوی د سروې له مخې پر دغه پروژه به درې میلیون امریکایی ډالره لګښت راشی.
د اوبو او نرژۍ وزیر له نړیوالې ټولنې څخه وغوښتل چې د افغانستان کنګل شوې زېرمې خلاصی کړی، تر څو دوی یې د خلکو لپاره په عام المنفعه پروژو کې ولګوی.
دا په داسې حال کې ده، چې په کابل ښار کې تر ځمکې لاندې اوبو کمېدو په اړه اندېښنې زیاتې شوی دی.
