گهیځ
ګهیځ نیوز: نن یکشنبه (د زمری/اسد ۲۳مه او د اګسټ میاشتې ۱۴مه نېټه ده) د افغانستان د ا.ا حکومت د سوداګرۍ او صنایعو د وزیر نورالدین عزیزی په مشرۍ یو پلاوی مسکو ته استولی.
باختر دولتی خبری اژانس د دې وزارت د یوه بیان په حواله خبر ورکوی چې دا پلاوی پرون شنبې مسکو ته روان شو.
په بیان کې راغلی چې د دې پلاوی د سفر موخه د افغانستان او روسیې ترمنځ د اقتصادی او سیاسی اړیکو پراختیا ده.
که څه هم روسیې تر دا مهاله د ا.ا حکومت په رسمیت نه دی پېژندلی خو په تېر یوه کال کې یې د ور سره نږدې اړیکې پاللی دی.
