گهیځ
ګهیځ نیوز: نن یکشنبه (د زمری/اسد ۲۳مه او د اګسټ میاشتې ۱۴ نېټه ده) د راپورونو پر بنسټ، د پکتیا د ډنډپټان ولسوالۍ یو شمېر اوسېدونکی او سوداګر وایی، د دغې ولسوالۍ او خیبر پښتونخوا لار له دوو اونیو راهیسې بنده ده او خلکو ته یې ډېرې ستونزې جوړې کړې دی.
له یادې لارې د افغانستان او پاکستان ترمنځ سوداګریز مالونه لېږدول کېږی او کراچۍ بندر ته هم غځېدلې ده.
د راپور په حواله، د پکتیا ولایت د ډنډپټان ولسوالۍ په ګمرک کې د روزیالدین په نامه یوه سوداګر وایی، په دې سرحدی سیمه کې پر ډبرو سکرو بار موټرو په ګډون نور په زرګونه موټر ولاړ دی او ورځ تر بلې سوداګریز موټر راځی چې په سیمه کې یې د تم کېدو امکان نشته.