گهیځ
ګهیځ نیوز: نن چهارشنبه (د وږی/سنبله دوهمه او د اګسټ میاشتې ۲۴مه نېټه ده) پخوانی ولسمشر حامد کرزی په کابل کې د پاکستان له پخوانی سفیر منصور احمد خان سره د مخه ښې لیدنه کړې ده.
په دې لیدنه کې دواړو لورو د سیمې پر روان وضعیت او پر دوه اړخیزو اړیکو بحث او خبرې کړې دی.
حامد کرزی د افغانستان او پاکستان ترمنځ پر متمدنو اړیکو ټینګار کړی او دا یې د دواړو هېوادونو په ګټه بللې دی.
په کابل کې د پاکستان د سفیر منصور احمد ماموریت پای ته رسېدلی او د ځینې خبرونو پر بنسټ پاکستان یې پر ځای عبید نظامی ټاکلی دی.